1920 թ. – ծնվել է Սելեզ գյուղում (Թուրքիա)։

1922 թ. – ընտանիքը տեղափոխվել է Սալոնիկ (Հունաստան)։

1929 թ. – տեղափոխվել է Ֆրանսիա։

1934-1936 թթ. – սովորել է Մոնպառնասի ազատ ակադեմիաներում, Սաբատյեի արվեստանոցում (Փարիզ)։

1938 թ. – ավարտել է դեկորատիվ արվեստի բարձրագույն դպրոցը (Փարիզ)։

Զբաղվել է գեղանկարչությամբ և գրաֆիկայով։

1944 թ. – «Անկախների սրահում» անցկացված ցուցահանդեսից հետո սկսվում է նրա ցուցահանդեսային գործունեությունը։

Հայկական թեմայով այդ երկու կտավները ներկայումս ցուցադրվում են Փարիզի Հայկական արվեստի թանգարանում։

1951 թ. – արժանացել է «Պոպուլիստ» մրցանակի։

1953 թ. – արժանացել է «Անտրալ» մրցանակի, որը նրան մեծ ճանաչում է բերել։

1954 թ.-ից ստանում է Ազգային թոշակ։

1955 թ. – «Գինզա» պատկերասրահում բացվել է Ժանսեմի թանգարանը (Տոկիո)։

1956 թ. – ընտրվել է Երիտասարդ նկարիչների սրահի նախագահ։

1958-1959 թթ. – Մեքսիկայում նկարիչն արժանացել «Կամպարեզո» և «Բրյուկ» մրցանակներին։

1966 թ. – «Ազումինո» պատկերասրահում բացվել է Ժանսեմի թանգարանը (Տոկիո)։

1970-ական թվականներից նրա ստեղծագործության գերակա ուղղությունը դարձել է վիմագրությունը։

1982 թ. – Փարիզում լույս է տեսել Ժանսեմի նկարների ալբոմը։

2001 թ. – արժանացել է ՀՀ ԳԱԱ պատվավոր դոկտորի կոչման։

2002 թ.-ից արտասահմանում ՀՀ Գիտությունների ակադեմիայի անդամ։

 «Սուրբ Մեսրոպ Մաշտոց» շքանշանի ասպետ։

Նկարիչը նկարազարդել է Սերվանտեսի, Բոդլերի, Վիյոնի, Բազենի, Քամյուի, Լորկայի և այլոց ստեղծագործությունները։

Ժանսեմի անհատական ցուցահանդեսները մի քանի տասնյակ են կազմում։ Դրանք անցկացվել են Փարիզում, Նյու Յորքում, Չիկագոյում, Լոնդոնում, Տոկիոյում, Հռոմում, Բրյուսելում, Բեյրութում, Երևանում և այլուր։

Հայոց Ցեղասպանության 90-ամյակի կապակցությամբ նկարչի կողմից նկարների մի ամբողջ շարք է նվիրվել ՀՀ ԳԱԱ Ցեղասպանության թանգարան-ինստիտուտին, իսկ ներկայումս թանգարանում գործում է Ժանսեմի «Ցեղասպանություն» նկարաշարի մշտական ցուցադրությունը։ 

Աշխատանքները գտնվում են Ժամանակակից արվեստի թանգարանում (Երևան), Հայաստանի ազգային պատկերասրահում (Երևան), Ցեղասպանության թանգարանում (Երևան) և աշխարհի տարբեր երկրների բազմաթիվ այլ պատկերասրահներում, մասնավոր հավաքածուներում։

2013 մահացել է Սեն Էնյանում (Ֆրանսիա)։