1933 թ. – ծնվել է Ծաղկաշեն գյուղում (Հայաստան)։

1936 թ. – ընտանիքի հետ տեղափոխվել է Բաքու, որտեղ միջնակարգ կրթություն է ստացել։

1953-1958 թթ. – սովորել է Փ. Թերլեմեզյանի անվան գեղարվեստի ուսումնարանում (Երևան)։

1958-1961 թթ. – սովորել է Լենինգրադի Ի. Ռեպինի անվան գեղարվեստի ակադեմիայում որպես ազատ ունկնդիր։

1961 թ. – հանրապետական բազմաթիվ ցուցահանդեսների մասնակից։

1967 թ.-ից միջազգային ցուցահանդեսների մասնակից։

1973 թ. -ից ԽՍՀՄ Նկարիչների միության անդամ։ 

1976 թ. –ից Հայաստանի վաստակավոր նկարիչ։

Ստեղծագործել է գեղանկարի և գրաֆիկայի, կոմպոզիցիոն նկարի, բնանկարի, դիմանկարի, ինչպես նաև գրքի պատկերազարդման ոլորտներում։ Մշտապես համագործակցել է «Պիոներ» և «Ծիծեռնակ» մանկական ամսագրերի հետ։ Ձևավորել և պատկերազարդել է մի շարք մանկական գրքեր։ Նկարաշարեր է ստեղծել հայկական «Սասունցի Դավիթ» էպոսի և Վարդան Այգեկցու բարոյախրատական առակների համար։   

Անհատական ցուցահանդեսներ.

1976 թ. – Հայաստանի Նկարիչների միություն (Երևան)

1983 թ. – Արևելքի ժողովուրդների թանգարան (Մոսկվա)

1994 թ. – Փարիզ

2005 թ. – Լոս Անջելես

2007 թ. – Հայաստանի Ազգային պատկերասրահ (Երևան)

2009 թ. – Հայաստանի Նկարիչների միություն (Երևան)

Աշխատանքները գտնվում են Ժամանակակից արվեստի թանգարանում (Երևան), Հայաստանի Ազգային պատկերասրահում (Երևան), Արևելքի ժողովուրդների թանգարանում (Մոսկվա), Տրետյակովյան պատկերասրահում (Մոսկվա), Պուշկինի անվան կերպարվեստի թանգարանում (Մոսկվա), Հայաստանի Նկարիչների միության և մշակույթի նախարարության ֆոնդերում (Երևան), Հայաստանի և արտերկրի բազմաթիվ մասնավոր հավաքածուներում։