1907 թ. – ծնվել է Հալեպում (Սիրիա)։

1919 թ. – տեղափոխվել է Կահիրե (Եգիպտոս), որտեղ սկսել է հաճախել Գալուստյանների գիմնազիա։

1924 թ. –  հաստատվել է Փարիզում։

1930 թ. – ավարտել է պետական ճարտարապետական դպրոցը՝ միաժամանակ հաճախելով Գրանդ-Շոմյերի ակադեմիա։ Ֆրանսիական գեղանկարիչների ցուցահանդեսում ստացել է I կարգի մրցանակ։

1930 թ.-ից աշխատանքները մշտապես ցուցադրվել են «Անկախների սրահում», «Անի» ընկերությունում և «Հայ անկախ նկարիչների միությունում»։

1939 թ.-ից կայացել է Գառզուի ավելի քան 100 անհատական ցուցահանդես։

1941 թ.-ից ցուցադրումներ «Աշնանային սրահում»։

1945 թ.-ից մշտական ցուցադրումներ «Դրուան Դավիթ» պատկերասրահում։

1945 թ. – ստացել է Իլ-դե-Ֆրանսի I մրցանակ։

1955 թ. – պարգևատրվել է Մեծ մրցանակով (Տոկիո)։

1956 թ. – նկարչին շնորհվել է Պատվավոր լեգիոնի շքանշան։

1958 թ. – ստացել է «Արվեստի և գրականության ասպետի» տիտղոս։

1950-60-ական թթ. – Կոմեդի Ֆրանսեզի, Լա Սկալայի, Փարիզի ազգային թատրոնի բեմանկարիչն էր։

1977 թ.-ից ֆրանսիական Նկարիչների ակադեմիայի իսկական անդամ էր։

1980 թ. – պարգևատրվել է «Մարտիրոս Սարյան» շքանշանով։

1984 թ. – անհատական ցուցահանդեսներ են անցկացվել Երևանում և Մոսկվայում։

2000 թ. – մահացել է Փարիզում։

2007 թ. – անհատական ցուցահանդես՝ նվիրված ծննդյան 100-ամյակին, Հայաստանի Ազգային պատկերասրահ (Երևան)։

Նկարչի մասին տպագրվել են մեծ թվով հոդվածներ և մենագրություններ։

Աշխատանքները գտնվում են Ժամանակակից արվեստի թանգարանում (Երևան), աշխարհի տարբեր երկրների բազմաթիվ մասնավոր պատկերասրահներում և հավաքածուներում։